الديوان التاسع عشر والأخير بعنوان أصحاب مصالح
أصحاب مصالح عشت بطَيِّب خاطركم وخايف تزعلوا مني دوست كتير على كرامتي وكنت بنفسي بقتلني عشان تفضلوا معايا وألاقي اللي يسندني ولما وقعت ما لقيتش الإيد اللي تنجدني محدش وقف جنبي وكله اختلق أعذار الحب اللي كانوا راسمينه لقيته اتحرق في النار لقيت إني ماليش حد وكل اللي عرفتهم زايفين بيبقوا معايا وقت الفرح ويختفوا لما أبقى حزين وقت المصلحة يقربوا ويبقوا أحلى صحاب تخلص مصلحتهم يجروا ويبقوا ناس أغراب أصحاب مصالح مش أكتر ولا عمرهم كانوا سالكين كان واجب عليا أفكر اتنَيِّل وادي حبي لمين لكن إني إفوق متأخر أحسن ما أفضل متغَفِل بابي اللي كان مفتوح ليكم دلوقتي صبح متقفل ضيَعت كتير من وقتي على ناس طلعوا رخاص وغلطتي إني آمِنت بكلام ووعود أشخاص يا متعشم في كل الناس وفاكر إنهم جدعان هيبعدوا واحد واحد خصوصا فترة الأحزان مانا كنت يوم زيك قلت عنهم بيت ومكان واديني عرفت دلوقتي بإني غلطت في العنوان
