الديوان الثانى عشر بعنوان يا خسارة
يا خسارة يا خسارة على كل دمعة نزلت من عيوني عشانكم على كل لحظة حلوة كانت بيني وبينكم ده أنا عمري ما تخيلت إنكم يوم تبعدوا عني أو ييجي يوم فيه أبعد عنكم ده أنا كنت فاكر إن انتم اللي ليا في دنيتي هتقفوا جمبي وتسندوني مش هتسيبوني في محنتي أتاريكم زودتوا وجعي وفرحتوا بكسرتي حبيتوا تشوفوني ذليل طب كنتم ردوا جميل واحد من جمايلي قلت عنكم اخواتي وزمايلي ضحيت عشانكم ياما وبرضو ما حنتوش كلكم غدارين أندال عايشين بوشوش السم بيجري في دمكم زي الأفاعي ما بترحموش إزاي هنت عليكم ده احنا مش عشرة يوم خسارة فيكم اللوم يا شوية بياعين أصل أوقات الكلام بيزيد الوجع وجعين ما بقيتش عارف ليه الكل بييجوا عليا ما بقيتش عارف ليه بيزيدوا الهم اللي فيا ما بقيتش عارف ليه البشر في الزمن ده كلهم بقوا عشاق للأذيه وكإني شيء شفاف أو كائن مش متشاف من حق الكل يدوسوا عليه لكن مسير وجعي يخف الدنيا بتدور وتلف وهتشوفوا هتعمل إيه الخير اللي عملته معاكم ربنا هيكرمني بسببه وكل اللي كسر قلبي ربنا هيكسر قلبه مبيضيعش حق حد كل حاجة هتترد مهما كانت حجمها وسلام على اللي اتخان من ناس بيحبها
