الديوان الثالث عشر بعنوان ما ترجعيش
ما ترجعيش رجعالي عشان أسامحك؟ ونبني كل شيء اتهد متوقعتش إن بجاحتك توصل لهذا الحد متوقعتش إنك تيجيلي بكل سخافة وبرود قال إيه بتفكريني إن إحنا كان ما بيننا وعود كان ما بيننا حب كبير وحاجات ما تتنسيش كان ما بيننا شعور جميل فسامحني وما تكسرنيش طب كويس إنك فاكراني عايزانا نرجع من تاني؟ وأحبك زي زمان ده أنا لما بفتكر يوم فراقنا بتفوق جوايا كوم أحزان يوم لما بكيت لك عشان تفضلي ساعتها ضحكتي وبصيتي بعيد وقلتي لي وكلك قسوة بإنك رايحة لحب جديد اليوم ده كان بالنسبالي يــوم وفــاتـك ودلوقتي بتحكيلي عن ذكرياتنا طب ملعون حبك وذكرياتك ملعون كل لحظة كنت فيها جمبك ملعون كل مرة قلت فيها بحبك ملعون الوقت اللي شوفتك فيه وقلـبـي ارتـاح لـقلـبك بتسيبي وترجعي وترجعي وتسيبي وكإني لعبة بتلعبي بيها
