الديوان السابع بعنوان يا أبن أدم
يا ابن آدم الموت مكتوب صدقني والله العمر يادوب هتخرج منها بكفن فاضي ما فيهوش أدراج وجيوب يا ابن آدم بلاش تتغر الموت مفيش منه مفَر ومهما كان معاك ومعاك عملك اللي هيوصلك للبَر هتسيب كل شيء جمَعته كفاية العمر اللي ضيعته محدش عارف امتى هيرحل ولا امتى هتقوم ساعته ما تخليش الدنيا تنسيك إنك راجع للي حاميك وإنك مهما بنيت في قصور فيه بيت تاني مستنيك هتسكن فيه بدون أصحاب جثة هامدة تحت التراب ساعتها هتفهم معنى العمر اللي ضاع سراب في سراب صوتك محدش هيسمعه ومالك اللي جمعته هنوزعه وقبرك حجمه في إيد ربنا مهما حاولنا نوسعه يبقى تتمسك بالدنيا ليه هم اللي قبلك أخدوا ايه الحق نفسك من دلوقتي اهزم شيطانك واقضي عليه وابدأ مع ربك من جديد مهما كنت عنه بعيد قرب منه بكل ما فيك خلي النور في القلب يزيد
