الفصل الثامن

علي**مش مكفيك آلاء اللي هعرف قريب إنت مخبيها فين، إوعى تكون فاكر اني ساكت، لا هتشوف أنا هعمل أيه فيها وفيك لو عرفت إنك عارف طريقها. حسن**أنا معرفش حاجة عن أختك، آلاء كانت خطيبتي وسابتني وأنا دلوقت متجوز ولو عرفت انك اتعرضت لمراتي تاني انت عارف أنا ممكن أعمل فيك أيه، وعارف كويس ان عمري ما بقول كلام غير وأنفذه. *ألقى حسن كلماته ورحل ولكن بداخله كان يعلم أن علي يرتب لشيء ما، وأنه لن يستسلم لما فعلته آلاء، أظهر حسن قوته أمام علي ولكن بداخله كان يحترق من خوفه على آلاء. (في المساء بعد منتصف الليل في ڨيلا حمدان) خرجت سوسن لجنينة الڨيلا فكانت تشعر باختناق وكانت تضيق عليها الحياة بسبب قرارها فهي لا تستطيع العيش بدون حاتم ،انها تحبه كثيراً ورغم حبه لها لا تستطيع اقناعه بحلمها. ( نختار أشياء ونحزن على ترك أخرى ولو خيرونا ألف مرة سنختار ما اخترناه ولكن سنحزن على ما تركناه هكذا الحياة لا تعطينا كل شيء، وأسئلتها دائما تكون اختيارية واختيارنا دائما يكون خيار اجباري يجعلنا نتساءل هل نحن من اخترنا أم هو الذي اختار لنا، وهل ما تركناه نحن الذي تركناه أم هو ما تركنا)إيمان البيوقي. كانت سوسن تتجول في جنينة الڨيلا فتفاجئت بآلاء جالسة في احدى الأركان وكانت تبكي بشدة سوسن وهى تربت على كتفها وتبتسم**تسمحيلي اجي أعيط جنبك؟ آلاء وهي تبتسم من بين دموعها**اتفضلي. سوسن**أياً كان اللي مبكيكي، متخليهوش ياخد منك أكتر ما كان هيديكي. آلاء**إلى مبكيني اخد مني كل اللي بحبهم، ومعاهم خد عمري ومسابليش حاجة خالص حتى حرية الخيار أخدها. سوسن بحزن**أنا بقى الدنيا خيرتني بين حاجتين مفيش بينهم خيار، ادتني حب وادنتي حلم وفلوس وأهل، وعودتني على كل حاجة ادتهالي وفجأة أخدت مني أغلى شخص، أكتر حد كنت متعلقة بيه، أخدت مني بابا كنت لسه محتجاله اوي بابا زرع فيا الأمل والحلم واداني كل الأسباب الجميلة اللي أعيش علشانها، وفجأة سابني وبعديه تعبت أمي وبقيت عايشة وخايفة الدنيا تاخدها مني، وفى الآخر جاية الدنيا تقولي اختاري بين الشخص اللي عشتي طفولتك ومراهقتك وشبابك تحبيه وبين الحلم اللي عاش أبوكي يزرعه فيكي واللي عشتي قوية من بعد أبوكي علشان تحققيه. آلاء**أكيد هتلاقي الخيار طالما الدنيا خيرتك يبقى ربنا ليه حكمه في اللي هتختاريه وأكيد ربنا عملك كده وعارف انك قد الاختبار والاختيار، الفترة اللي فاتت دي كان نفسي يبقى قدامي أي خيار أنا الدنيا خيرتني واختارتلي هي قبل ما أختار، ولغاية دلوقتي مش فاهمة نتيجة اختيارها أيه. *ظلا يتحدثان لفترة طويلة، قصت آلاء لسوسن ما حدث لها بالتفصيل ولكن قطع حديثهم ياسين الذي جاء فور رؤيته لهم من الشرفة. يس**ايه اللي مسهرك لدلوقت انت مش عندك ورق هيتجهز بكرة؟ سوسن**أنا طالعة أهو، تصبحي على خير يا لولو نكمل كلامنا بكرة. احتضنتها سوسن ثم نهضت فكلاً منهم شعرت براحة إثر حديثها مع الأخرى. نهضت آلاء هي الأخرى لتنام فهي تنام مع السيدة روحية ولكن أوقفها ياسين يس**أيه على فين. آلاء**هنام. يس بمرح**أيه الظلم دا بقى يعني تقعدي كل دا مع سوسن وتيجي عليا تقولي هنام؟ آلاء**أمال أعمل أيه. يس وهو يجلس حيث كانت تجلس سوسن**تقعدي معايا عندي سؤال ملح. آلاء وهى تجلس بجواره **اتفضل. يسن**إنت حلوة كدا إزاي. آلاء وهى تنهض مبتسمة**أكيد لو اعرف هقولك. يس**أيه يا بنتي الكآبة دي. آلاء**بردو لو أعرف هقولك. دخل ياسين وآلاء إلى الڨيلا واستطاع ياسين بروحه المرحة وببساطته اعادة البسمة لوجه آلاء. (في الصباح في غرفة منى) منى**حبيبتي متزعليش مش هطول عليكي وكمان معاكي أميرة. آلاء**أميرة أغلب اليوم في المدرسة ولما بترجع بتذاكر وانا لسه مأخدتش على المكان هقعد لوحدي ازاي. منى**غصب عني لازم أسافر أشوف أمي تعبانة آلاء**طب اوعي علي يشوفك ولا تتكلمي مع حد خالص ولو حد قالك أي حاجة عني استغربي وتأثري وخليك طبيعية. منى**متخافيش انا هعرف اتصرف وبكرة هاجى في أول قطر. احتضنتها آلاء وودعتها ثم دخلت لتطمئن على السيدة روحية، وكانت تشعر بقبضة بقلبها لمجرد أن منى ستذهب إلى القرية فبمجرد أن أتت سيرة القرية تملكها الرعب. دخلت آلاء الڨيلا فالتقت بسوسن. سوسن بابتسامة**صباح الخير. آلاء**صباح النور. سوسن**عاملة ايه دلوقت؟ آلاء**طول ما انا جنبكم انا كويسة. سوسن**وهى تحتضنها بحب إن شاء الله تبقي كويسة دايماً اسيبك بقى عشان ورايا حاجات كتير وتأخرت. *ذهبت سوسن وهى تشعر بالقوة بعدما استمعت لقصة آلاء أرادت أن تمتثل بقوة آلاء فآلاء الآن أصبحت وحيدة ومع ذلك صامدة قوية تسرق ابتسامتها من الحياة. (إن أضعفك الناس بوقوفهم مع الحياة ضدك فاقتلهم أنت بوقوفك مع نفسك ضد الجميع، فالحياة لا تضعف سوى الضعيف ولا ضعف غير بكائك على ما فات إن كان ما فاتك هو زمن فالآتي من الحياة زمن وإن كان ما فاتك هم بشر فما أكثرهم بالحياة لا تركض وراء ما فاتك، فتضيع ما بيدك وما بيدك ثمين فأنت تملك ذاتك فإن أضعتها فلا عوض ولا حياة ولا بشر ولا نجاة، وإن أردت السعادة فابحث عنها من أجلك لا تبحث عما يجعل الناس يقولون عنك سعيداً، تباً لهم ولقولهم ولظنونهم ولنظرتهم عنك لا قيمة لنظرتهم عنك إلا بعد نظرتك لذاتك، فبعد رضاك عن ذاتك تبحث عن رضاهم عنك وبعد ثقتك بذاتك تنظر لثقتهم بك، فمن ابتعد لا تبالي له فإن عاد شيء جميل وان لم يعد فبعده أجمل بكثير، وثق بمن حولك ولكن لا تجعل خذلانهم لك يؤثر بك فإن خذلوك فالعيب بهم حتى وإن كانت بك كل العيوب فمن منا خالي من الخطأ أو العيوب) إيمان البيوقي. *أمام المدرسة الثانوية خرجت أميرة من مدرستها لتجد مختار ينتظرها بسيارته فشعرت بتوتر كبير وتعمدت تجاهله. مختار وهو ينزل من السيارة**أميرة أميرة التي أجبرت على الالتفات**نعم مختار**اركبي أميرة**لا انا همشي هشتري حاجات من الطريق. مختار بحزم**اركبي ونبقى ننزل نشتري اللي انت عاوزاه. *ركبت أميرة معه وكانت في قمة خوفها وتوترها.