الديوان الرابع بعنوان أنا مش محظوظ
أنا مش محظوظ شاب، تشوفني تقول عجوز عايش وسط هم وغم الحزن مسرح وأنا الأراجوز حياتي كلها متلخبطة مسكين وإيدي مربطة دايمًا بكتب كلام حزين وأرجع أداريه بالشخبطة عايش ضحية طول سنيني والوجع واضح جوه عيني كل ما أقول خلاص هرتاح الحزن يرجع ويجيني حبيت ورجعت قلت ياريتني ما حبيتها ولا حبتني هي أصلا ما حبتنيش ده أنا أول ما وقعت سابتني كنت فاكرك هتبقي معايا كنت شايفك انتي دوايا لكن فجأة سبتي وروحتي خرجتي نفسك من جوايا حتى صحابي فجأة باعوني كنت فاكرهم هيعينوني بدل ما هم يعالجوا وجعي اختاروا إنهم يوجعوني ليه وقت الشدة الكل يغيب ليه راح كل حبيب ليه اللي بنتشعبط فيه بيختار إنه يفارق ويسيب ده انتم والله حالكم عجيب أنا كمان هتخلى وأسيب وأما تيجوا وتلوموني هرد وأقول قسمة ونصيب نفس الكلام اللي قلتوه من الشخص اللي كسرتوه من النهارده لو وقعتم اللي بيسندكم مش هتلاقوه
