الفصل الثالث والأخير

جنا: تمام يا أكرم، عاوز تنزل أنزل. طلعت المفتاح من كم الفستان وادتهوله مسك ايدي بحنيه أكرم: امسحي دموعك ويلا ننزل. شديت ايدي وسبته وانزلت أكرم لنفسه: مجرد إعجاب عشان اتعودت عليا من صغرها وهيروح. فوفا: اي يا جنا دة كله وفين أكرم يا بنتي؟ جنا: جاي.... ودخلت اوضتي جنا: تمام انا دلوقتي عرفته مكانته عندي دلوقتي دوره يعرف مكانتي عنده قالتها بإصرار.. غسلت وشي ودخلت أعمل مولتن كيك أهم حاجه الصحه بردو يا جماعة. وبعد ساعتين شغلت أغنية اتنسيت.. اندمجت مع الأغنية بس دائما اللحظات الحلوة مبتكملش صوت الجرس رحت فتحت.. فوفا: هاتي مايه يا بنتي بسرعة. =طب ادخلي يا حاجة خدي نفسك الأول بعد شويه اتفضلي يا فوفا أحلي كوباية مايه فوفا: ها يا أكرم، نقول للناس آمين؟. أكرم: مش عارف والله يا خالتي، حاسس ان كل اللي يهم عندها شغل البيت وأنا مش عاوز خدامة أنا عاوز واحدة تكون معايا علي الحلوة والمرة، تكون مراتي ونصي التاني حبيبتي وصحبتي وبنتي وكل حياتي، علي العموم خليها بظروفها. جنا: هما نصهم مفكرين الجواز مسؤولية وشقة وأكل تهتمي بيه، والنص التاني مفكر الجوز هشك بشك. لقيته ابتسم: وانتي تبع اي نص. جنا: ولا واحد عن اذنكم هروح اجهز السحور. فوفا: الله مش هتقولي ل أكرم يقعد يتسحر معانا، كل مره بتصري عليه. جنا: براحته ياما عاوز يفضل يفضل عاوز يمشي يمشي. أكرم: يلا يا خالتي همشي أنا تصبحي علي خير. أكرم مشي وعملت الأكل، أنا وأمي اتسحرنا. الفجر بفتح تليفوني لقيته باعت رسالة أنا اتسحرت وصليت العشاء وبلاش البوز اللي شوفته النهارده دة. بعتله: وأنا مالي قفلت التليفون لسه هتشوف يا ابن بدريه عدا أسبوع كنت بتجاهل أكرم، صحيح كنت بتوجع بس هو كمان كان بيتوجع أكتر في حاجات لسه بيعملها زي م عودته زي انه يصلي ويتسحر هتقوليلي عرفتي منين من المسجات اللي بيبعتها وبشوفها مبردش، بوقفته قدام الباب قبل لما ينزل يصلي العشاء وهو متردد يخبط، وعرفت من أمي إنه رفض الجواز من السحلية. _جنا بت يا جناااا جنا: نعم يا فوفا. _روحي ادي الاكل ده ل أكرم جنا: يا ربي، حاضر يام•••• خبطت.... أكرم فتح الباب وشدني جنا: بتعمل اية يا مجنون!. أكرم: تجوزيني جنا: هو في حد بيتجوز أخته يا أستاذ أكرم؟. أكرم: كنت مفكر إعجاب أو تعود بس أنا بحبك. جنا ببرود يخفي سعادتها : والمطوب؟ أكرم: تتجوزيني. جنا بتفكر: بس أنا مش عاوزه واحد مش قريب ربنا مش بيصلي، ولا بيصوم.. أكرم: هقرب من ربنا وانتي هتساعديني بس وانتي مراتي حلالي، هااا هتتجوزيني؟. جنا: اممم مش عارفه الصراحة فاجئتني طب بص احم يعني تعالي اطلبني من ماما وهتاخد ردي. زقيته وجريت وهو ورايا فوفا: تعالي يا بني عامل ايه؟. أكرم: أنا الحمد لله يا خالتي وحضرتك عامله إيه؟. فوفا: نحمده. أكرم: بصراحة كدة يا خالتي أنا لقيت البنت اللي هتكون نصي التاني وشريكة حياتي وبنت ناس وأدب وأخلاق وجمال وشطارة فوفا ولو لفيت الدنيا مش هلاقي زيها. فوفا: مين دي؟. انا بصراحه طالب ايد جنا ل الجواز كنت سامعه الكلام ده من وراء الباب بتاع اوضتي فوفا مش فاهمه قصدك يا ابني مين أكرم: جنا.... جنا بنت حضرتك يا خالتي. فوفا: أيوه يا ابني بس جنا...... يا ماما حرام عليكي يا ماما الناس بتدور علي عرسان لبناتها وانتي بتبعدي العرسان اللي بتجيلي. _مش قصدي ولله بس أنا كنت مفكراكم بتعتبرو بعض أخوات فا مجتش علي بالي. أكرم: الحمد لله احنا مش اخوات وبنحب بعض هااا ياخالتي موافقه تبقي حماتي وبنتك تبقى مراتي. _والله يا ابني مش هلاقي زيك. أكرم :نقول مبروك. _نقول مبروك محستش غير زغروطة طالعه مني وهو مبتسم أكرم: إن شاء الله الفرح بعد العيد. بعد سنة _يا جنا تعالي خدي آسر وأنا هغسل المواعين. _حاضر يا حبيبي جايه اهو. قربت منه عشان اخد آسر، مسك ايدي باسها وقالي تسلم ايدك أنا بحمد ربنا إنك في حياتي. تمت بحمد الله