الديوان الخامس عشر بعنوان فرقت ما بينا ليه
فرقت ما بيننا ليه طول عمري فاكر إني علاء الدين شاب ما حلتيش لا جاه ولا مال ولما جيت أحب حبيت ياسمين أميرة وفي الشكل ملكة جمال معروف من صغري جدع وشهم وإن قلبي لا عمره خاف ولا مال فاتجرأت إني أروح وأطلب إيدها وأعيش معاها في الحلال وهناك عرفت إني عايش وسط وهم وإن علاء الدين يادوب شخصية من الخيال أبوها قال لي: نعم؟؟ جاي تخطبها بشهامتك وجدعنتك طب حط نفسك مكاني لو جالك شاب زيك ترضاه لبنتك؟ حب إيه اللي بتكلمني عنه حبك في زماننا مالوش قيمة الحب ده كلام فارغ ما بيتشافش غير في السيما قالوا لك زمان... مدد رجليك على قد لحافك وطالما ما معاكش فلوس يبقى وريني عرض كتافك وطيت راسي ومشيت مكسور وصبح بيني وبين حلمي سور مش قادر أعديه.... طالما عايزها وعايزاني فرقت ما بيننا ليه؟ ما ينفعش أصلًا تعمل مقارنة بين الحب والجنية ماسك صورتها ومش قادر أنساها ما أنا ياما حلمت إني أبقى معاها ونعيش مع بعض العمر الباقي استحالة أنساكي نهائي.... وهفضل أحبك بكل ضميري بتمنالك يا حبيبتي الفرح حتى لو مع غيري
