الديوان الرابع عشر بعنوان كنتى ماضى
كنتي ماضي نسيتك ونسيت معاكي كل اللي يخصك بعد ما خدعتيني وفهمتيني إني روحك ونصك وف الآخر قلتي لي لازم نسيب بعض حبي ليكي كان أكبر غلطة غبي وقعت نفسي في ورطة بعد ما طلعتيني سابع سما نزلتيني سابع أرض ده أنا أكتر واحد حبستك وأما صدقت إني لقيتك حبك كان مالي حياتي فوقي وتحتي وطول بعرض صدقتك وافتكرتك فعلًا حبتيني أتاريني غلطان وكنتي بتشتغليني بس كويس إنك سبتيني... علشان أعرف حقيقتك خلتيني أندم على اللحظة اللي فيها أصلا عرفتك وهلاقي الأحسن منك بكتير أنا ما خسرتش بالعكس انتي خسرتي قلب كبير حبيتك جامد أووي وما لقيتش منك تقدير أنا اخترتك بس انتي اخترتـي الـفــراق... رغم إن قلبي من وجعك داق جاية النهارده تقولي لي انسى وارجع؟ ازاي يعني نرجع؟ نسيتي انتي قلتي إيه ليا؟ نسيتي كلامك اللي بيوجع؟ نسيتي إنك خدعتيني؟ أودي الكلام ده كله فين؟ ده انتي بمجيتك النهارده ليا الجرح زاد جرحين... القلب بيقول لي ارجع دي الوحيدة اللي حبيتها دي اللي بتعشقها من جواك وبتتظاهر إنك نسيتها... والعقل يقول لي لاء بيع اللي باعك... لو بتحبك صحيح كانت حست بأوجاعك لو بتحبك صحيح مكـانتش هتسيبك اللي يفكر يستغنى عنك عمره ما يكون حبيبك قلت والله ما أرجع ليكي انتي خلاص كنتي ماضي ومهما تقولي وتعيدي بالنسبالي كلامك فاضي روحي للي سبتيني علشانه ولا هو كمان باع؟ ما انتي بعتي واللي يبيع يتباع واللي يوجع يتوجع أكيد شبعك أوجاع انتي تاخدي ماجستير ف الكذب والخداع وكمان في الخيانة تاخدي جايزة إبداع عيشي لوحدك... ما تعشميش حد تاني أنا شخص مستحيل أرجع لحد أذاني أنا خلاص استكفيت مواجع ومهما تقولي وتعيدي أقسم بربي ما أنا راجع
